6.

1. Deus tecum! Amen, Amen!
Obdormi! Tuum est tutamen,
Quem caelum terra suspicit.
Instat yitae meta tibi,
Sed spiritum creator sibi,
Qui suus erat, recipit.
Heus liber vinculis,
Qui sursum ageris,
        Jesus Christus
Pacificat, coronas dat
Fiduciaeque praemia.
 
2. Ut peccatis agiteris,
Miserrimis adnumereris,
Pressumque sese damnet cor; _:
Brevi te npn agitabunt,
Nec miseris adnumerabunt,
Est Deus te clementior.
Ah, plura precibus,
Maiora fletibus
          Tibi dabit.
Perfecit! Hae iam tenebrae
Funestae retro fugiunt.
 
3. Quis te splendor occupabit,
Cum dies tibi radiabit
Et lux post mortis tenebras!
Ergo vale! Amen, Amen!
Obdormi! Tuum est tutamen,
Qui obtulit inferias.
Hic solus purgat te
Totumque crimine,
        Neque peccas
Nunc amplius; exercitus
Te angelorum suscipit.
 
4. Valeas! Extremum vale!
Inibis iter sepulcrale,
Sed animus ne trepidet.
Terra sibi vindicabit
Terrenum. Est qui suscitabit,
Cum noctem lux excipiet.
Descende cubitum!
Hinc dormitorium
        Jesus claudit.
Mox, cubitu defuncte tu,
Ad vitam suscitaberis!