2.

1. In mortis vincla datus
Pro nostra Jesus lite
Latebat. Suscitatus '.
Nunc suos reddit vitae.
Fas est, nos concinere
Gratesque summas solvere
Hoc pretio redemtos.
Hallelujah!

2. Serpebat mors per crimen
In omnen stirpem Adae;
Non erat hic discrimen,
Immunis nullus clade,
Nec redemptor aderat,
Mors captos secum duxerat
Mancipia sepulcri.
In Deo spes.

3. Hic generi perverso
Benignus praestat natum,
Qui sanguine disperso
Redemit nos in statum
Vitae. Mortem subigit;
Nunc forma tantum decipit,
Aculeus est fractus
Hallelujah!

4. Jo, latronem istum
Victoria absumsit!
Io triumphe! Christum
Laudemus, vita dum sit!
Ciebit olim vocis vi
Defunctos: Suscitamini!
Videbunt eum; vivent
In saecula!

5. Huic palmas complicate,
Deyoti, laetabundi,
Eumque prospectate
In fide, moribundi!
Suos in hiatibus
Sepulcri firmat caelitus:
Ut vivo, vos vivetis,
Confidite!

6. Sit festum celebratum!
Tu clange Hosianna!
Et Domini effatum
Sit animorum manna!
Veritatis iubare
Existant mentes lucidae!
Erroris umbra cedat.
Hallelujah!

7. Huic nos sanctificamus,
Qui pellit mortem fuga;
Peccati detrectamus
Molesta prorsus iuga.
Jesus vult deliciae
Suorum esse unice.
Et mini es, o Jesu,
            In saecula!