|
Auf den Tod eines Zechers Do hen si mer e Ma vergrabe. 's isch schad für sini bsundre Gabe. Gang, wo de witt, such no so ein! Sel isch verbey, de findsch mer kein. Er isch e Himmelsg'lehrte gsi. In alle Dörfere her und hi se het er gluegt vo Hus zu Hus, hangt nienen echt e Sternen us? Er isch e freche Ritter gsi. In alle Dörfere her und hi se het er g'frogt enanderno: "Sin Leuen oder Bäre do?" Ne gute Christ, sel isch er gsi. In alle Dörfere her und hi se het er unter Tags und z'Nacht zum Chrüz sy stille Bußgang g'macht. Si Namen isch in Stadt und Land by große Here wohl bikannt. Si allerliebste Cumpanie sin alliwil d' drei Künig gsi. Jez schloft er und weiß nüt dervo, es chunnt e Zit, gohts alle so.
|
||
|
zurück
zur Gedichtübersicht |
v
|