zurück zur
Gedichtübersicht

Bittgesuch
 
Ne Meideli usem Oberland
chunnt zuenich her und chüßt ich d'Hand,
der sind jo so ne brave Her,
i wüßt jo kein, wo lieber wär.

's chunnt mengen usem Oberland
und het e Bittschrift in der Hand,
und euer Gmüeth, wenn's helfe cha,
sen isch er e versorgte Ma.

Drum bringi au mi Bitte dar.
Mer singe gern, mir jungi War,
d'Welt luegt is no so lustig a,
mer hen jo no kei Chummer g'ha-


und spielte gern Clavier derzue
wie d'Jumpfere vo Carlisruh.
Doch sel isch d'Chunst - i ha jo keis -
o sind so guet, und gent mer eis!

Es isch e Mengs, wo singt und lacht,
und Ihr hends froh und glücklich gmacht -
do stoht so eis - und dankts ich viel,
het Vatergüeti doch kei Ziel.