zurück zu den
Gedichtentwürfen

Der lieb Gott het zum Früehlig gseit
Gang, deck im Würmli au si Tisch
druf het der Chries baum Blätter treit
scharmanti Blätter grün u frisch

und 's Würmli, us sim Schlof ussem Eÿ verwacht's
's het gschlofen in si'm Winter huus
es streckt si und sperrt 's Müüli uf
und ribt die blöden Augen us

und druf se hets mit stillem Zahn
am Blättli g'nagt enanderno
es het em ibildt 's seig für ihns
doch hets no gar viel übrig glo.

Und wieder het der lieb Gott gseit
Gang deck im Imli au si Tisch
und druf het der Chriesbaum Blüethe treit
scharmanti Blüethe wiiß u. frisch

Und 's Imli siehts und fliegt druf los
frisch in der Sune Morge schin
es denkt: "Das wird mi Caffi sÿ
sie hen doch chosper Porcelin

wie sufer sin die Schüßeli gschwenkt
es hengt si troche Züngli dri
es trinkt und seit: wie schmeckts so süß
do muß der Zucker wohlfel sÿ.

Der lieb Gott het zum Sumer gseit
Gang deck im Spätzli au si Tisch
druf het der Chries baum Chriesi treit
scharmanti Chriesi roth und frisch.


Und weil wir den doch in dieser
Nacht alle Septembrisirt werden,
so will ich den doch de


Und 's Spätzli denkt: Isch das der B'richt
do sizt me zu und frogt nit lang.
das stärkt eim wieder Seel u Lib
und git eim Chraft zum neue Gsang

Es denkt: "i bine große Her
e große Her muß de Vorles ha"
und pickt und schlukt so lang 's em schmeckt
en andre wird au si Theil
wenns anen chunt no finde dra

Druf het er pickt, was gisch was hesch
he io, und het nit alles gno
Mer hen no menge Chratte voll
zum Chriesi pfeffer übercho.